新嘗試？點知超級隊牆咁簡單？

新嘗試，就只有號稱超級無敵隊穿長既「超級隊長漢堡」嗎？那你就太孤陋寡聞了！

(註:並非為老麥的劣食賣廣告 XD)

其實M記既野食大家由細食到大，有幾多個真係會唔厭既呢？日日行過都望到，「BIG MAC」、「魚柳包」、「麥樂雞」，所謂既「新嘗試」來來去去都係果幾味，再唔係就將d舊材料堆堆疊疊咁。早餐試過將3號同4號餐放埋一齊、又試過雙層豬柳；下午仲離譜，「SHAKE SHAKE薯條」、「點JACK」，只係換配料！消費者唔識換咩？薯條都可以點泰式辣醬啦！

係咪咁你就滿足先？新嘗試既方法仲有好多架喎！

「大雞醬」或者有唔少人都聽過，係咩黎架呢？其實即係蛋黃醬。不過我自己本人，更加鐘意食魚柳醬，點解？貪佢入面有酸瓜，少少酸，幾好味架！其實食M記食親九成都係煎炸野，食到一半就開始覺得「濟」，特別係薯條，又特別「索油」，有少少地酸味其實幾醒胃。當然茄汁都係咁，不過兩隻醬之間係有些少唔同，不妨試下丫。

「食花生」大抵係香港人既一大嗜好：無論係睇波、睇電視、睇戲、定係睇人地阿媽打仔！香港人無不喜歡「食花生」。咁認真，「食花生」又真係幾正咀既！不過係M記食花生，咪又只係得果幾款新地...大錯特錯！花生加埋入曲奇麥旋風入面，咁先係筆者覺得最好食既雪糕！有曲奇既甜味、有花生既嚼頭，仲有雪糕既軟滑，聽住「食軟雪糕」黎食呢杯雪糕，唔好咩？不過，M記一定唔會幫我地加花生入去搞架喇，唯有問佢可唔可以另外俾少少花生黎，自己食之前搞番轉先啦！

原來04年果陣，加大都只係加兩蚊，而家...? 

其實食M記，又點會淨係好似食垃圾咁無新意喎？XD

新嘗試？陸續有黎！