左饌右道之我和上海仔有個飯聚

左饌右道之我和上海仔有個飯聚

From 爽報 2012/3/12

  所謂黑金政治，也不離飲食；上星期何柱國東週刊率先爆梁營黑材料，話上海仔、鄉坤門，同埋梁營競選辦主任鄧淑敏、羅范同「梁營支持者」夢熊大師一齊食飯，12人飯局梁羅范話只係俾左五舊水，鄉坤又話無俾錢，禁筆者當你五舊水多少少埋單，十二個人可以叫得咩？

筆者好喜愛今日爽報呢個茶單；照單執，五舊水又真係夠埋單。最值得講係「紅燒上海鴨仔」，上海出唔出名係鴨仔我唔知，但係無計啦！五舊水又點夠買禁多黑材料呀？又無理由紅燒熊掌嫁嘛，佢始終都同習主席握過手，唔通白白煮來食咩？唯有食隻鴨仔算，又或者整番隻光頭鴨啦，食左梁營都唔怕鐵頭何個隊唐營Ｂ隊啦！

　　仲有一尾「金沙骨撈飯焦」都唔錯；志雲大師番商台整番個左右亂局，當年飯焦係同一個電台話老師死一個好少姐，而家都仲夠薑去商台度同梁營推銷教育，張文光差ｄ問到佢口啞啞，希望到時志雲介紹佢去食番個粉皮炒飯焦啦！大佬，羅范為左梁營，為左志雲出現係商台，PHONE IN 打來俾人問到口啞啞，點算？食番個粉皮，補補塊面穩陣。

最後個尾國產健康水果，益下班鄉坤吧啦。鄉村事務政府一向搞唔掂，梁營俾得五舊水，鄉坤無咩甜頭，點算？唔緊要，俾番ｄ誠意，應承佢地ｄ樓可以起五層六層，禁就唔會大家都拎ｄ卡片出黎，扮哂有証據咁啦！而家食ｄ國產水果先，拎左選票慢慢傾。